Bakı. 7 may. REPORT.AZ/ Azərbaycan Cüdo Federasiyasının prezidenti Rövnəq Abdullayev Bakıdakı "Böyük dəbilqə" turnirində 73 kq çəki dərəcəsində medal qazanmış idmançıların mükafatlandırılma mərasimində iştirak edib. "Report"un məlumatına görə, R.Abdullayev mükafatlandırmaya Milli Olimpiya Komitəsinin vitse-prezidenti Çingiz Hüseynzadə ilə birgə qatılıb.
Onlar fəxri kürsüyə yüksələn cüdoçuları, o cümlədən, bürünc medal qazanmış Azərbaycan təmsilçisi Rüstəm Orucovu təltif ediblər.
Qeyd edək ki, Rövnəq Abdullayev ötən gün bürünc medal qazanmış daha bir cüdoçu Tərlan Kərimovu (66 kq) da mükafatlandırıb.