Yuxarı

Olimpiadada iştirak edəcək Şimali Koreya idmançılarının sayı açıqlanıb

Bu barədə Beynəlxalq Olimpiya Komitəsinin prezidenti Tomas Bax açıqlama verib

Bakı. 20 yanvar. REPORT.AZ/ Fevralın 9-da Cənubi Koreyanın Pxençxan şəhərində start götürəcək Qış Olimpiya Oyunlarında KXDR idmançıları da iştirak edəcəklər.

"Report"un məlumatına görə, bu barədə Beynəlxalq Olimpiya Komitəsinin (İOC) prezidenti Tomas Bax açıqlama verib.

O bildirib ki, Oyunlara Şimali Koreyadan 22 idmançı qatılacaq. Müvafiq razılıq İOC-un İsveçrənin Lozanna şəhərindəki mənzil qərargahında iki ölkənin milli olimpiya komitələrinin və Oyunların Təşkilat Komitəsinin rəsmilərinin görüşündə əldə olunub. Görüş zamanı şimali koreyalı nümayəndələrin olimpiadada iştiraklarına dair bəyannamə imzalanıb. Tərəflər Açılış Mərasimində iki ölkənin nümayəndə heyətlərinin birgə keçidinə və vahid qadın hokkey yığmasının iştirakına dair razılığa gəliblər.

Qeyd edək ki, Pxençxan olimpiadası fevralın 25-dək davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi