Yuxarı
    Bağlamaq

    Mirhəsən Seyidovun Karate Federasiyasının baş katibi vəzifəsinə təyinatı rəsmiləşib

    Bu barədə İdarə Heyətinin iclasında qərar qəbul olunub

    Bakı. 15 yanvar. REPORT.AZ/ "İrəli" İctimai Birliyinin sədri Mirhəsən Seyidovun Azərbaycan Milli Karate Federasiyasının (AMKF) baş katibi vəzifəsinə təyinatı rəsmiləşib. 

    Birlikdən "Report"a verilən məlumata görə, bu barədə AMKF-in İdarə Heyətinin iclasında qərar qəbul olunub. M.Seyidovun təyinatına qədər baş katib vəzifəsində çalışmış Mircabbar Seyidov bundan sonra baş katibin məsul katibi vəzifəsində çalışacaq. Yeni formalaşmış katiblik ümumi formada federasiya işinin daha da sürətləndirilməsinə və yeni nəticələrin əldə olunmasında yaxından iştirakına çalışacaq. Ümumilikdə, federasiyanın, katibliyin əlaqəli işlərinə rəhbərliyi M.Seyidov icra edəcək.

    Qeyd edək ki, yeni baş katib 2015-ci ildən “İrəli” İctimai Birliyinin sədri, 2015-ci il mayın 29-da isə İctimai Televiziya və Radio Yayımları Şirkətinin 6 il müddətinə Yayım Şurasının üzvü, Azərbaycan Respublikası Prezidenti yanında Gənclər Fondunun Müşahidə Şurasının üzvüdür və Prezident İlham Əliyev tərəfindən təsis olunmuş Gənclər üçün Prezident mükafatçısıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi