Yuxarı

İslamiada: Futbol yarışında ilk yarımfinalçılar müəyyənləşib

Türkiyə yarışı qələbə ilə tərk edib

Bakı. 15 may. REPORT.AZ/ "Bakı 2017" IV İslam Həmrəyliyi Oyunları çərçivəsində futbol yarışında ilk yarımfinalçılar müəyyənləşib.

"Report" xəbər verir ki, bu, B qrupunda bu gün keçirilən 3-cü turun görüşlərindən sonra məlum olub. Türkiyə millisi Fələstinə 4:3 hesabı ilə qalib gəlib. Bu nəticədən yararlanan Oman yığması Əlcəzairlə 1:1 hesablı heç-heçə edərək, 4 xalla qrup ikincisi olub. Əlcəzair isə 7 xalla qrupu ilk pillədə tamamlayıb. İlk qələbəsini qazanan Türkiyə 3 xalla 3-cü, Fələstin isə 1 xalla sonuncu yeri tutub.  

Yarımfinal mərhələsində Əlcəzair və Omanın rəqibləri saat 18:00-da başlanacaq Azərbaycan - Mərakeş və Səudiyyə Ərəbistanı - Kamerun görüşlərinin nəticəsinə əsas müəyyənləşəcək.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi