Yuxarı

İran IV İslam Həmrəyliyi Oyunlarına 280 nəfərlik nümayəndə heyəti ilə gələcək

Qonşu ölkə yarışlarda 165 idmançı ilə təmsil olunacaq

Bakı. 19 aprel. REPORT.AZ/ İran Bakıda keçiriləcək IV İslam Həmrəyliyi Oyunlarına 280 nəfərlik nümayəndə heyəti ilə qatılacaq.

"Report"un “Tasnim” agentliyinə istinadən məlumatına görə, bu barədə qonşu ölkənin Milli Olimpiya Komitəsinin baş katibi Şahruh Şahnazi açıqlama verib. Onun sözlərinə görə, nümayəndə heyətində 130 kişi, 35 qadın idmançı yer alacaq.

İran İslamiadada voleybol, zorxana, boks, tennis, atletika, para-atletika, ağırlıqqaldırma, cüdo, para-cüdo, idman gimnastikası, karate, atıcılıq, uşu, üzgüçülük, suya tullanma, su polosu, stolüstü tennis, taekvondo, sərbəst və yunan-Roma güləşi növlərində təmsil olunacaq. 

Bu, qonşu ölkənin İslamiadalar tarixində ən geniş heyəti olacaq. İran ilk oyunlarda 130 idmançı ilə ümumi medal sıralamasında 4-cü, sonuncu İslamiadada isə 88 idmançı ilə 2-ci yeri tutub.

Qeyd edək ki, IV İslam Həmrəyliyi Oyunları 12 - 22 mayda keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi