Yuxarı

Bakıda anbardan idman məhsullarını oğurlayan şəxs saxlanılıb

Anbardan 89 186 manat dəyərində mal oğurlanıb

Bakı. 24 noyabr. REPORT.AZ/ İyunun16-da Bakının Nizami rayonu ərazisində yerləşən "Azidman" MMC-yə məxsus anbardan oğurluq edən şəxs saxlanılıb. "Report"un Daxili İşlər Nazirliyinin saytına istinadən verdiyi məlumata görə, bu, İsmayıllı rayon sakini Asif Əbilovdur.

O, Nizami Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində tutulub. Anbardan ümumilikdə 89 186 manat məbləğində oğurluq edilib.

Şirkətin satış meneceri Məzahir Quliyev "Report"a açıqlamasında qapalı zallarda istifadə olunan örtüklərin, dam örtükləri və ona aid qaynaq naqillərinin oğurlandığını bildirib.

M.Quliyevin sözlərinə görə, artıq dəymiş zərər ödənilib.

Qeyd edək ki, "Azidman" MMC idman məhsullarının satışı ilə məşğuldur. Oğurluq hadisəsi qeydə alınan anbarda şirkətin məhsulları saxlanılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi