Milli İdman Tibb və Reabilitasiya İnstitutu Gənclər və İdman Nazirliyinin tabeliyindəki qurumların siyahısına salınıb

Nazirlər Kabineti 2011-ci il 6 dekabr tarixli qərarla təsdiq edilmiş “Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı”nda dəyişiklik edib.

"Report" xəbər verir ki, müvafiq qərarı baş nazir Novruz Məmmədov imzalayıb.

Qərara əsasən “Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı”nın “ll. Təsərrüfathesablı qurumlar” bölməsinin 48-ci hissəsində “Respublika İdman Tibb, Diaqnostika və Reabilitasiya İnstitutu” sözləri “Milli İdman Tibb və Reabilitasiya İnstitutu” sözləri ilə əvəz edilib.