Yuxarı

DSX və AMADA arasında əməkdaşlıq haqqında memorandum imzalanıb

DSX və AMADA arasında əməkdaşlıq haqqında memorandum imzalanıb

Bakı. 1 fevral. REPORT.AZ/ Dövlət Sərhəd Xidməti (DSX) və Azərbaycan Milli Antidopinq Agentliyi (AMADA) arasında əməkdaşlıq haqqında memorandum imzalanıb.

AMADA-dan "Report"a verilən məlumata görə, yanvarın 31-də DSX-da AMADA-nın nümayəndə heyəti ilə görüş keçirilib. 

Görüşdə ölkə ərazisinə dövlət sərhədindən dopinq vasitələrinin qanunsuz keçirilməsi və antidopinq qayda pozuntusu məsələləri müzakirə edilib, təmiz idmanın inkişafı üçün iki qurum arasında sıx əməkdaşlıq həyata keçiriləcəyi qeyd edilib.

Əməkdaşlıq çərçivəsində antidopinq qaydalarına əsasən barəsində araşdırmalar aparılan idmançılar və idmançılara dəstək heyəti, onların ölkəyə giriş-çıxışı haqqında və digər məlumat mübadiləsinin aparılması razılaşdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi