Azərbaycanlı velosipedçi Ukraynada xatirə turnirinin qalibi olub

Azərbaycanın şosse velosipedi üzrə Elit milli komandasının üzvü Elçin Əsədov Ukraynanın Odessa şəhərində Sergey Utoçkinin xatirəsinə həsr olunan turnirdə iştirak edib.

“Report” Azərbaycan Velosiped İdmanı Federasiyasının Mətbuat xidmətinə istinadən xəbər verir ki, idmançı bütün rəqiblərini qabaqlayaraq yarışın qalibi olub.

Qeyd edək ki, Elçin Əsədov Ukraynanın “Lvov” kontinental komandasının da üzvüdür.