Azərbaycanın daha bir atleti finala yüksəlib

Qətərin paytaxtı Dohadakı dünya çempionatında Azərbaycanın daha bir atleti finala yüksəlib. "Report"un məlumatına görə, bu, üç təkanla tullanma yarışında baş verib. 

Aleksis Kopello təsnifat mərhələsində 16,95 metr nəticə göstərərək 6-cı olub. Kubalı legioner adını həlledici mərhələyə yazdırıb.

Əvəzində qapalı manejdə Avropa çempionu Nazim Babayev 16,65 metr nəticə ilə 19-cu olub və 12 finalçı arasına düşə bilməyib.

Qeyd edək ki, daha əvvəl çəkicatma yarışında Anna Skidan da finala vəsiqə qazanıb.