Yuxarı

Azərbaycanın 9 güləşçisi Avropa çempionatında iştirak edəcək

Bakı. 6 mart. REPORT.AZ/ Serbiyanın Novi Sad şəhərində keçirilən Avropa çempionatında iştirak edəcək 23 yaşadək sərbəst güləşçilərdən ibarət Azərbaycan millisinin heyəti açıqlanıb. 

Azərbaycan Güləş Federasiyasının mətbuat xidmətindən "Report"a verilən məlumata görə, yarışda gənclərdən ibarət yığmanın böyük məşqçisi Rövşən Hacıyev və məşqçi Əşrəf Əliyevin rəhbərliyi altında 9 pəhləvan - İslam Bazarqanov (57 kq), Əsgər Məmmədəliyev (61 kq), Turan Bayramov (65 kq), Davud İbrahimov (70 kq), Rəşad Yusifli (79 kq), Hacımurad Məhəmmədsəidov (86 kq), Şamil Zubairov (92 kq), Əliməhəmməd Alixmayev (97 kq) və İslam Abuyev (125 kq) iştirak edəcək. 

Qeyd edək ki, Avropa çempionatında I dərəcəli beynəlxalq hakim Elman İsmayılov ədaləti qoruyur. Avropa çempionatında sərbəst güləşçilər 8 - 10 martda çıxış edəcəklər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi