Yuxarı

​Azərbaycan XXXI Yay Olimpiya Oyunlarında ilk medalını qazanıb

Rüstəm Orucov cüdo yarışlarının final mərhələsinə yüksəlib

Bakı. 8 avqust. REPORT.AZ/ Azərbaycan 2016-cı il Rio-de-Janeyro Yay Olimpiya Oyunlarında ilk medalını qazanıb.

"Report" xəbər verir ki, bu, 73 kq. çəki dərəcəsində çıxış edən Rüstəm Orucov cüdo yarışlarının final mərhələsinə yüksəlməsi sayəsində mümkün olub,

Rüstəm Orucov yarımfinalda İsraili təmsil edən Sagi Mukiyə 1 yuka xalı ilə qalib gəlib və bu qələbə sayəsində özünə ən azı gümüş medalı təmin edib.

25 yaşlı idmançı mübarizəyə 1/16 final mərhələsindən başlayıb.

O, qazaxıstanlı Didar Xamzanı cərimə xalları hesabına yenib. Növbəti mərhələdə isə rəqib Ceyk Bensted (Avstraliya) olub. Bu dəfə R.Orucov 3 dəqiqə 3 saniyəyə ipponla qələbə qazanıb.

Onun 1/4 finaldakı rəqibi Mikloş Unqvari (Macarıstan) olub. Orucov vazari xalı hesabına qalib gəlib.

Rüstəm Orucov finalda Ono Shohei ilə qarşılaşacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi