Yuxarı

Azərbaycan taekvondoçusu Avropa çempionu olub

Azərbaycan taekvondoçusu Avropa çempionu olub
Bəhruz Quluzadə fəxri kürsünün ən yüksək pilləsinə qalxıb

Bakı. 3 noyabr. REPORT.AZ/ Kiprin Larnaka şəhərində gənc taekvondoçular arasında keçirilən Avropa çempionatında Azərbaycan yığması ilk medalını qazanıb. 

"Report"un məlumatına görə, 45 kq çəki dərəcəsində mübarizə aparan Bəhruz Quluzadə fəxri kürsünün ən yüksək pilləsinə qalxıb. O, ardıcıl olaraq, Belçika (28:17), Böyük Britaniya (14:9), Rusiya (11:3) və Gürcüstan (10:10 - qızıl xal) təmsilçilərini yarışdan kənarlaşdırıb. Final döyüşündə isə Quluzadə rusiyalı Dmitro Şişkoya da qalib gələrək, Avropa çempionu olub. Gənc taekvondoçu 2015-ci ildə Fransada təşkil edilmiş yeniyetmələr arasında Avropa çempionatında da qızıl medal qazanmışdı. 

Qeyd edək ki, sayca 21-ci qitə birinciliyinə gənclərdən ibarət Azərbaycan millisi baş məşqçi Məmməd Abdullayev və böyük məşqçi Zahid Məmmədovun rəhbərliyi altında 18 (10 oğlan və 8 qız) taekvondoçu ilə qatılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi