Yuxarı

Karate Federasiyası Avropa çempionatını Bakıda keçirməyə müsbət cavab verib

Azərbaycan Karate Federasiyası Avropa çempionatını keçirməyə müsbət ca

Avropa Karate Federasiyası (EKF) İdarə heyətinin videokonfrans formatında iclası keçirilib.

"Report" Azərbaycan Karate Federasiyasının rəsmi saytına istinadən xəbər verir ki, virtual yığıncaqda cari məsələlər müzakirə olunub, bir sıra yeni qərarlar verilib.

EKF-in prezidenti Antonio Espinoza koronavirus pandemiyası səbəbindən karate idmanında da müəyyən dəyişikliklərə getməyin məcburi olduğunu söyləyib. O, bu amillərin karatenin inkişafına müəyyən təsirləri olsa da, işlərin davam etdiyini nəzərə çatdırıb.

Hakimlər Komitəsinin sədri Xavier Eskalante rəhbərlik etdiyi təşkilatın 9 nəfərlik heyətində dəyişiklik edildiyini və beynəlxalq hakim, əməkdar məşqçi Cahangir Babayevin Hakimlər Komitəsinə üzv təyin oldunduğunu bildirib. EKF-in prezidenti A.Espinoza bu ilin martında Bakıda koronavirusa görə ləğv olunan böyüklər arasında 55-ci Avropa çempionatının Olimpiya təsnifatı statusunun 2021-ci ilin mayında İsveçin Geteborq şəhərində keçiriləcək analoji yarışa verildiyini açıqlayıb. Onun 2022-ci ildə Avropa çempionatının Bakıda təşkil edilməsi təklifi EKF İcraiyyə Komitəsinin üzvü Yaşar Bəşirov tərəfindən müsbət qarşılanıb.

Dünya Karate Federasiyasının (WKF) videokonfrans formatlı iclasında isə qarşıdakı Yay Olimpiya Oyunları ilə bağlı dəyişikliklər müzakirə olunaraq qərarlar qəbul edilib. Təsnifat formatında ciddi dəyişiklik etməyən WKF, Olimpiadanın bir il ertələnməsi ilə əlaqədar olimpiadaya vəsiqəsi qazanan idmançıların elan olunması vaxtının və lisneziya turnirlərinin təqvimində dəyişiklilər edib. Martda xüsusi olimpiya reytinqi üzrə olimpiadada iştirakı təsdiqlənən idmançılar cədvəlin hazırkı mövqeyində qalacaq və qarşıdakı lisenziya mərhələlərində tutduqları yeri möhkəmlətməkdə davam edəcəklər. Yekun siyahı 2021-ci ilin mayında xüsusi təsnifat turnirindən sonra açıqlanacaq. Təsnifat yarışlarından Mərakeşin paytaxtı Rabatda Karate1 Premyer Liqa turnirinin təşkili 2021-ci ilin aprel ayına nəzərdə tutulub. Təsnifat yarışlarının tarixləri ilə bağlı yekun qərar pandemiyanın vəziyyəti ilə əlaqədar olaraq bu ilin son kvartalında dəqiqləşdiriləcək.

WKF İdarə heyəti həmçinin bu ilin payızında Birləşmiş Ərəb Əmirliklərinin Dubay şəhərində planlaşdırılan böyüklərin Dünya çempionatının gələn ilin noyabrında keçirilməsini qərara alıb. Gələn il Türkiyədə nəzərdə tutulan Gənclərin Dünya çempionatı isə növbəti ilə keçirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi