Azərbaycan gimnastı Fransada iki medal qazanıb

Bədii gimnastika üzrə Azərbaycan yığmasının üzvü Arzu Cəlilova Fransanın Korbey-Eson şəhərində keçirilən beynəlxalq turnirdə iki medal qazanıb.

“Report” xəbər verir ki, A.Cəlilova yeniyemələrin yarışında həm lent, həm də gürzlə hərəkətlərdə üçüncü yeri tutub.

Qeyd edək ki, Azərbaycanın digər gimnastlarından Nərmin Səmədova 5-ci, Veronika Qudis 6-cı, Darya Sorokina isə 7-ci yeri tutublar.