Yuxarı

Azərbaycan Boks Federasiyası dünya çempionatında hakim özbaşınalığına etiraz edib

Səbəb Lorentso Sotomayorun uduzdurulmasıdır

Bakı. 28 avqust. REPORT.AZ/ Azərbaycan Boks Federasiyası Almaniyanın Hamburq şəhərində keçirilən dünya çempionatında yığmanın üzvü Lorentso Sotomayorun hakim haqsızlığı nəticəsində məğlubiyyəti ilə əlaqədar rəsmi qaydada şikayət verib.

“Report”un məlumatına görə, bu barədə Rusiya Boks Federasiyasının baş katibi Umar Kremlev TASS-a bildirib.

O deyib ki, 1/8 finalda rusiyalı Pyotr Xomukovla kolumbiyalı Xorxe Vivas Palasiosun döyüşünü idarə edən ədalət təmsilçiləri də səhvə yol verdikləri üçün dünya çempionatından kənarlaşdırılmalıdırlar. U.Kremlev P.Xomukovun uduzduğu görüşlə əlaqədar şikayət verdikərini söyləyib: "Biz etiraz verdik və hakimləri kənarlaşdırmağı tələb edirik. Bunu belə qoymaq olmaz, əsl hakim özbaşınalığıdır. Azərbaycanın da hakimlərlə bağlı etirazı var”.

Qeyd edək ki, 64 kq çəki dərəcəsində mübarizə aparan Lorentso Sotomayor 1/8 final mərhələsində misirli Eslam Muhamedlə qarşılaşmada üstün tərəf olsa da, ədalət təmsilçiləri qələbəni rəqibə veriblər. Nəticədə Azərbaycan boksçusu hakimlərin səhvi səbəbindən mundialla vidalaşmaq məcburiyyətində qalib.

Avqustun 25-də start götürən dünya çempionatı sentyabrın 2-dək davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi