Yuxarı

Azərbaycan Avropa Cüdo Birliyinin 70-ci konqresində təmsil olunub

© judo.az

Bakı. 3 dekabr. REPORT.AZ/ Litvanın Kaunas şəhərində Avropa Cüdo Birliyinin (EJU) 70-ci Konqresi keçirilib.

"Report" xəbər verir ki, konqresə qitənin 37 ölkəsinin cüdo qurumlarının rəsmiləri qatılıb. Azərbaycanı tədbirdə Azərbaycan Cüdo Federasiyasının baş katibi Elmar Babanlı təmsil edib. 

Toplantıda EJU-nun prezidenti Sergey Soloveyçik çıxış edərək bu idman növünün olimpiya hərəkatının inkişafındakı rolundan danışıb. Qitə cüdo təşkilatının rəhbəri 2019-cu ildə də idman, təhsil və inzibati məsələlərlə bağlı tədbirlərin nəzərdə tutulduğunu diqqətə çatdırıb.

Konqresə dəvət olunan qonaqlar arasında Beynəlxalq Cüdo Federasiyasının baş katibi Jan-Luk Roge də yer alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi