Yuxarı

Atçılığın konkur növü üzrə yeganə 5 qat olimpiya çempionu vəfat edib

Vinklerin ürəyi bu gecə dayanıb

Bakı. 9 iyul. REPORT.AZ/ Atçılığın konkur növü üzrə yeganə 5 qat olimpiya çempionu Hans-Günter Vinkler 91 yaşında dünyasını dəyişib. 

"Report"un N-TV telekanalına istinadən verdiyi məlumata görə, Vinklerin ürəyi bu gecə dayanıb. 

Almaniyalı idmançı 1956-cı il olimpiadasında məşhurlaşıb. O, ciddi zədəyə rəğmən, komanda və şəxsi birincilikdə qızıl medal qazanmağı bacarıb. Çapar karyerası ərzində, ümumilikdə, 12 olimpiya medalı qazanıb. O həmçinin 2 dəfə dünya, bir dəfə Avropa, 5 dəfə Almaniya çempionu olub. 

Karyerasını 1986-cı ildə başa vuran Vinkler kitablar yazıb, habelə HGW idman marketinq firması açıb. O, Almaniyanın federal ordeni və digər nüfuzlu mükafatları ilə təltif olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi