Yuxarı
    Bağlamaq

    Yaxın günlərdə "BakuBus" işə başlayır

    İlkin olaraq BakuBus və Bakı Sərnişin Nəqliyyatın avtobus marşrutları birgə işləyəcək

    Bakı. 31 iyul. REPORT.AZ/ Bakıda yaxın günlərdə "BakuBus" MMC-nin sərnişindaşıma xidmətlərinə başlayacağı gözlənilir. Bu şirkətə məxsus "Iveco" avtobusları şəhər mərkəzində, ətrafda isə "Bakı Sərnişin Nəqliyyatı" MMC-nin avtobusları işləyəcək.

    "Report"un əldə etdiyi məlumata görə, qəsəbələrin kənarından şəhər mərkəzinə gələn marşrutlar, əsasən ilkin olaraq yaxın günlər üçün 1 nömrəli marşrut üzrə hər iki şirkətin avtobusları fərqli nömrələrlə işləyəcək. Hazırda bununla bağlı danışıqlar gedir.

    Müzakirələrə əsasən, Əhmədli qəsəbəsindən gələn sərnişinlər "Koroğlu" metro stansiyasına hazırkı mövcud avtobuslardan, oradan şəhər mərkəzinə isə "BakuBus"ın yeni avtobuslarından istifadə edəcək.

    Qeyd edək ki, eyni zamanda 3 nömrəli marşrutun da yaxın vaxtlarda yenidən xəttə çıxacağı müzakirə edilən məsələlər sırasındadır.

    Ümumilikdə, Bakı şəhərində sərnişindaşıma xidmətləri göstərəcək "BakuBus"ın ilkin mərhələdə paytaxt mərkəzində 16 marşrut üzrə işləməsi gözlənilir. Bu proses tədricən həyata keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi