Yuxarı
    Bağlamaq

    Xüsusi Təyinatlı İdarə Lerikdə qaya parçasını partladıb

    Avtomobil yolunun 8-ci km-də dağ uçqunu baş verib

    Bakı. 3 noyabr. REPORT.AZ/ Bir neçə gün əvvəl Lerik rayonu, Lerik-Kəlvəz-Göydərə avtomobil yolunun 8-ci km-də dağ uçqunu baş verib.

    “Azəravtoyol” ASC-nin Mətbuat Katibliyindən “Report”a verilən xəbərə görə, nəticədə, yolun hərəkət hissəsinə iri qaya parçaları tökülərək hərəkətin məhdudlaşmasına səbəb olub.

    Əraziyə ASC-nin ağır texnikası və canlı qüvvəsi cəlb olunaraq yolun bir hissəsindən qaya parçaları təmizlənərək hərəkət bərpa olunub.

    Yolun bir hissəsinə isə böyük qaya parçası düşdüyündən texnika vasitəsi ilə onu yoldan kənarlaşdırmaq mümkün olmayıb. Bu səbəbdən də qaya parçasının partladılaraq kənarlaşdırılması barədə qərar qəbul olunub.

    Bu gün qaya parçası “Azəravtoyol”un Xüsusi Təyinatlı İdarəsi tərəfindən partladıldıqdan sonra yolun tam olaraq təmizlənməsi təmin edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi