Yuxarı
    Bağlamaq

    Xırdalan dairəsindən istifadə edən sürücülərə alternativ yollar təklif edilir

    Azəryolservis” ərazidə təmir işləri aparır

    Bakı. 13 may. REPORT.AZ/ Bakı-Quba-Rusiya sərhədi avtomobil yolunun 11-ci kilometrliyində yerləşən Xırdalan dairəsində təmir işləri aparılır. Bu ərazidə köhnə asfalt-beton örtüyü yenisi ilə əvəzlənir. Bu səbəbdən dairədə və yan yollarda nəqliyyat vasitələrinin hərəkəti tam məhdudlaşdırılıb. Bu barədə "Report"a Nəqliyyat Nazirliyi “Azəryolservis” ASC-dən məlumat verilib.

    Bakı-Sumqayıt və əks istiqamətdə hərəkət edən nəqliyyat vasitələri dairənin alt hissəsindən keçən tuneldən maneəsiz şəkildə istifadə edə bilərlər. Xırdalan şəhərinə daxil olan nəqliyyat vasitələri Bakı-Quba avtomobil yolunun 13-ci kilometrliyində yerləşən Masazır dairəsindən istifadə etməklə, Binəqədi və Biləcəri qəsəbələri istiqamətində hərəkətdə olan nəqliyyat vasitələri isə “Ekologiya postu”ndan sağa dönməklə hərəkətlərini davam etdirə bilərlər. Bundan başqa, sürücülər alternativ olaraq Binəqədi şossesindən də istifadə edə bilər.

    "Xırdalan dairəsində təmir işlərinin tez bir zamanda yekunlaşdırılması üçün bütün qüvvələr səfərbər edilib", - şirkətdən bildirlib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi