"UTair" Sankt-Peterburqdan Lənkərana reys açır

Bakı. 25 aprel. REPORT.AZ/ Rusiyanın "UTair" avaişirkəti yaz-yay dövrü üçün Sankt-Peterburqun "Pulkovo" hava limanından həyata keçiriləcək uçuşların siyahısını yeniləyib.

"Report" aviaşirkətin saytına istinadən xəbər verir ki, iyunun 7-dən şirkət Sankt-Peterburq - Lənkəran reysini açacaq.

Uçuşlar həftənin çərşənbə axşamı "Boeing 737-500" təyyarələri vasitəsilə həyata keçiriləcək. Reysin uçuş vaxtı Sankt-Peterburqdan 19:10, Lənkərandan isə 14:40-da olacaq.