Yuxarı

Ukrayna Azərbaycanda təyyarə tikintisi üzrə ilkin proqram təqdim edəcək

Müəssisənin layihə gücü ildə 12-15 təyyarənin inşasını nəzərdə tutur

Bakı. 1 iyul. REPORT.AZ/ Rəsmi Kiyev Azərbaycan ərazisində Ukraynanın AN-178 tipli təyyarələrinin istehsalı ilə məşğul olacaq müəssisənin strukturu, tikinti və istismar fəaliyyəti ilə bağlı ilkin proqram təqdim edəcək. Bu barədə razılaşma bu gün keçirilən iqtisadi əməkdaşlıq üzrə Azərbaycan-Ukrayna birgə Hökumətlərarası Komissiyasının 11-ci iclası çərçivəsində əldə olunub.

"Report" xəbər verir ki, bu barədə məlumatı komissiyanın həmsədri olan Ukrayna baş nazirinin müavini, regional inkişaf, tikinti və mənzil-kommunal təsərrüfatı naziri Gennadi Zubko Azərbaycana səfəri çərçivəsində verib.

O, bu qərarın "Azərbaycan Hava Yolları" QSC və Ukrayananın "Antonov" dövlət müəssisəsi arasında 2016-cı il iyunun 7-də AN-178 tipli Ukrayna təyyarələrinin Azərbaycanda istehsalı ilə bağlı əldə etdikləri razılaşmanın inkişafı məqsədi ilə verildiyini vurğulayıb. 

G.Zubkonun sözlərinə görə, müəssisənin layihə gücü ildə 12-15 təyyarənin inşasını nəzərdə tutur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi