Yuxarı

Türkiyədəki fövqəladə vəziyyət Azərbaycandan gedən avtobus reyslərinin qrafikinə təsir etməyib

Türkiyədə elan edilən fövqəladə vəziyyət azərbaycanlıları bu ölkəyə səfər etməkdən çəkindirmir

Bakı. 21 iyul. REPORT.AZ/ Türkiyədə dövlət çevrilişinə cəhddən sonra 3 ay müddətinə elan edilən fövqəladə vəziyyət Azərbaycandan bu ölkəyə sərnişin avtobus reyslərinin hərəkətinə təsir etməyib.

Bunu "Report"a açıqlamasında Bakı Beynəlxalq Avtovağzal Kompleksinin növbə rəisi Məhəmməd Abdullayev bildirib.

O, bildirib ki, Bakıdan hər gün Türkiyəyə ən azı 5 sərnişin avtobusu yola düşür.

"Türkiyəyə gedən avtobusların qrafiklərində dəyişiklik yoxdur. Avtobuslar hər zamankı qaydada reyslərini yerinə yetirirlər. Hər gün saat 13:00-da 5-6 avtobus Bakı Beynəlxalq Avtovağzalından yola düşür. Ötən gün də 5 avtobus Türkiyəyə yollanıb və bu istiqamətə bütün biletlər satılıb", - deyə M. Abdullayev əlavə edib.

Qeyd edək ki, Bakıdan Türkiyəyə avtobuslar təxminən 30-35 saata çatır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi