Bakı. 15 iyul. REPORT.AZ/ İstanbul şəhərində Türkdilli Ölkələrin Əməkdaşlıq Şurası çərçivəsində fəaliyyət göstərən Nəqliyyatın İnkişafı üzrə işçi qrupunun VII iclası keçirilib.
İclas zamanı “Azərbaycan, Qazaxıstan, Qırğızıstan və Türkiyə arasında beynəlxalq kombinəedilmiş yük daşımaları haqqında Hökumətlərarası Saziş” layihəsinin ilkin mətninin razılaşdırılması, təşkilata üzv ölkələrin daşıyıcılarının qarşılaşdığı problemlərin müzakirəsi, Nəqliyyat Nazirlərinin üçüncü və Şura çərçivəsində imzalanmış anlaşma memorandumuna əsasən təsis edilən Qardaşlaşmış Limanların ikinci iclasının yerinin və tarixinin müəyyənləşdirilməsi, həmçinin BMT-nin Avropa İqtisadi Komissiyası – Avrasiya Nəqliyyat Bağlantıları üzrə ekspertlər qrupu ilə işçi qrupunun birgə iclasının keçirilməsi perspektivləri üzrə müzakirələr aparılıb və müvafiq qərarlar qəbul edilib.
Müzakirələrdə Nəqliyyat Nazirliyinin nümayəndəsi də iştirak edib.