​"Turkish Airlines" beynəlxalq reyslərə endirim elan edib

Bakı. 17 fevral. REPORT.AZ/ Türkiyənin "Turkish Airlines" (THY) aviaşirkətinin sərnişinləri fevralın 28-dək Ukrayna, Balkan və Qafqaza bilet almaqla 1 mart - 30 aprel tarixlərində cəmi 109 avroya gediş və dönüş imkanı əldə edə biləcəklər.

"Report" xəbər verir ki, bu barədə şirkətin mətbuat xidmətinin məlumatında deyilir.

THY sərnişinlərə 28 fevraladək İstanbuldan Kiyev, Odessa, Dnepropetrovsk, Xerson və Lvova 109 avro, Belqrad, Kişinyov, Podqoritsa, Sarayevo, Tirana, Skopye və Priştinaya 109 avro, Zaqreb və Lyublyanaya 139 avro, Batumi və Tbilisiyə isə 109 avro dəyərində uçuş biletləri təklif edir.