Yuxarı

Tovuz-Hunanlar-Qaraxanlı-Düz Cırdaxan avtomobil yolunun tikintisi davam etdirilir

Gələn il yolun tam istifadəyə verilməsi planlaşdırılıb

Bakı. 21 dekabr.REPORT.AZ/ Xəbər verildiyi kimi, Azərbaycan Respublikası Prezidentinin müvafiq Sərəncamı ilə otuz iki min nəfər əhalinin yaşadığı 13 yaşayış məntəqəsini birləşdirən Tovuz-Hunanlar-Qaraxanlı-Düz Cırdaxan avtomobil yolunun tikintisi məqsədi ilə 2014-cü il dövlət büdcəsində nəzərdə tutulmuş Prezidentin ehtiyat fondundan Tovuz Rayon İcra Hakimiyyətinə ilkin olaraq 3 milyon manat vəsait ayrılıb.

Artıq xeyli vaxtdır ki, yolun tikintisinə başlanılıb.

"Report" AzərTAc-a istinadla xəbər verir ki, rayon icra hakimiyyətinin memarlıq və tikinti şöbəsinin müdiri Rəşid Həsənovun sözlərinə görə, uzunluğu 33,8 kilometr olan yolun 19 kilometrində hamarlama işləri başa çatdırılıb, 15 kilometrində isə əsaslı tikinti işləri görülüb.

Bundan əlavə, 5 yerdə su keçidləri tikilib və yolun 3,5 kilometrinə birinci qat asfalt döşənib.Gələn il yolun tam istifadəyə verilməsi planlaşdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi