Yuxarı
    Bağlamaq

    Dayanacaqlardakı monitorlarda avtobusların hərəkət qrafiki haqda dəqiq məlumatlar yerləşdiriləcək

    Hazırda bununla bağlı test işləri aparılmaqdadır

    Bakı. 22 oktyabr. REPORT.AZ/ Hazırda avtobus dayanacaqlarındakı "Avtobus İnformasiya Terminalları"nda ictimai nəqliyyat vasitələrinin dayanacaqlara çatacaqları real vaxtların əks olunması istiqamətində işlər aparılır.

    "Report" xəbər verir ki, Nəqliyyatı İntellektual İdarəetmə Mərkəzinin (NİİM) yaydığı məlumata görə, avtobuslarda yeni quraşdırılan izləmə cihazı vasitəsilə toplanan məlumatlar avtomatik olaraq dayanacaqlardakı monitorlara ötürüləcək. Hazırda bununla bağlı test işləri aparılmaqdadır.

    "Sərnişinlər dayanacaqda olarkən monitora baxaraq ən yaxın avtobusun (marşrutlar üzrə) neçə dəqiqəyə çatacağı haqqında mütəmadi məlumatlandırılacaq. Çox yaxın müddətdə bütün dayanacaqlardakı monitorlarda avtobusun çatma vaxtı haqda dəqiq məlumatlar yerləşdiriləcək. Bu xüsusi proqramın mobil versiyası üzərində də işlər aparılır və yaxın gələcəkdə istifadə veriləcək", - NİİM-in məlumatında deyilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi