Yuxarı

Suraxanı rayonunda bir küçə təmir edilib - VİDEO / FOTO

Rayonun digər küçəsində isə təmir işləri davam etdirilir

Bakı. 25 iyun. REPORT.AZ/ Bakının Bülbülə qəsəbəsinin Ramiz Qarayev küçəsi təmir olunub.

Bu barədə "Report"a "Azəravtoyol" ASC-dən məlumat verilib.

Qurumdan bildirilib ki, bu küçənin uzunluğu 650 metr, eni isə 7,5 metrdir. Ümumilikdə küçə boyu 4900 kv. m ərazinin asfaltlanması işləri aparılıb. Daha bir küçədə isə hazırda təmir işləri davam etdirilir. Bu Hövsan qəsəbəsi Bağça küçəsidir. Küçənin uzunluğu 2100 metr, eni isə 7 metrdir. 

Məlumata görə, həmin küçədə yolun hərəkət hissəsinin sıradan çıxmış vəziyyətdə olması avtonəqliyyat vasitələrinin hərəkətində problemlər yaradırdı. Normal hərəkətin təşkil edilməsi məqsədi ilə “Azəravtoyol” ASC rəhbərliyi tərəfindən küçənin təmir edilməsi istiqamətində müvafiq işlərin başlamasına tapşırıq verilib.

Təmir işləri çərçivəsində küçənin qabarmış və dağılmış asfalt-beton örtüyünün üst qatı frezlənərək ərazidən daşınıb. Zəruri olan yerlərdə yol əsasının yararsız qruntu çıxarılıb, əvəzinə isə karbonat materialı tökülərək kipləşdirilib. Bu işlər 4300 kv.m ərazidə aparılıb. Daha sonra yolun hərəkət hissəsi yeni asfalt-beton örtüyünün döşənməsi üçün hazır vəziyyətə gətirilib.

Hazırda küçənin asfaltlanması istiqamətində işlərə başlanılıb. Ümumilikdə küçənin 15 min kv. m ərazisinə yeni asfalt-beton örtüyünün döşənməsi nəzərdə tutulub.

Qeyd edək ki, işlərin qısa müddət ərzində aparılaraq yekunlaşdırılması planlaşdırılır. Bunun üçün isə əraziyə lazımi sayda qüvvə cəlb olunub.



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi