Yuxarı
    Bağlamaq

    ​SOCAR-ın torpaq sahələri ilə bağlı məhkəmədə 20 minə yaxın iş var

    Vətəndaşlara onları aldadan bələdiyyə və işbazlarla bağlı məhkəməyə müraciət etmək üçün hüquqi yardım təklif olunur

    Bakı. 25 fevral. REPORT.AZ/ Azərbaycan Dövlət Neft Şirkətinin (SOCAR) ona aid torpaq sahələrinin qanunsuz zəbt olunması halları ilə bağlı 20 minə yaxın iddia məhkəmə instansiyalarında baxılır. "Report" xəbər verir ki, bunu SOCAR-ın Hüquq İdarəsinin rəisi Eldar Orucov deyib.

    E.Orucovun sözlərinə görə, məhkəmələr hər ay 500-ə qədər iddianı araşdıracaq: " Hazırda bizim məhkəmələrdə 19 500 iddiamız var. Bu qədər iddianı bir dəfəyə məhkəmədə araşdırmaq mümkün deyil. Ona görə də, məhkəmələrlə razılaşmışıq ki, heç olmasa ayda 400-500 iddiaya baxılsın".

    Hüquq İdarəsinin rəisi vətəndaşlara onları aldadan bələdiyyə yaxud başqa işbazlarla bağlı məhkəməyə müraciət etmək üçün hüquqi yardım təklif etdiklərini, lakin əksər hallarda onların bunu qəbul etmədiyini deyib: "Vətəndaşlar bu hüquqi yardımı qəbul etmir. Çünki onların əksəriyyəti əvvəldən bilir ki, hansı torpaqları alır və bu səbəbdən də məhkəməyə müraciət etməyi mənasız hesab edir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi