Yuxarı

Sabaha nəzərdə tutulan avtobus marşrutlarının dəyişdirilməsi təxirə salınır

Bu müddət 1 həftə çəkəcək

Bakı. 31 avqust. REPORT.AZ/ 1 saylı marşrut avtobusunun fəaliyyətə başlama vaxtı texniki səbəblərdən 1 həftə müddətinə uzadılır. “Report”a Nəqliyyatın İntellektual İdarəetmə Mərkəzindən (NİİM) daxil olan xəbərə görə, bu haqda “Baku Bus” MMC-dən bildirilib.

Belə ki, 1 saylı marşrut avtobusu sabahkı tarixdən deyil, təqribən 6-7 gün sonra fəaliyyətə başlayacaq. Bu səbəbdən hələlik digər (11, 8, 136, 184) marşrut xətlərində dəyişikliklər də 1 saylı marşrut avtobusu fəaliyyətə başladığı gündən tətbiq olunacaq.

Qeyd edək ki, bu müddətin uzadılması ləğv olunan 100 və 132 saylı marşrut avtobuslarına aid deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi