Yuxarı

​Sabah Bakının bəzi ərazilərinə təbii qazın verilişində fasilələr olacaq

Fasilələrin yaranması qaz xətti üzərində qaz tənzimləyicinin quraşdırılması ilə əlaqədardır

Bakı. 2 iyul. REPORT.AZ/ Sabah Bakının Səbail rayonunun Bayıl və Badamdar qəsəbələrinin, eləcə də 20-ci sahə yaşayış massivinin bir hissəsində təbii qazın verilişində fasilələr yaranacaq.

Bu barədə "Report"a “Azəriqaz” İstehsalat Birliyinin İctimaiyyətlə əlaqələr şöbəsindən məlumat verilib.

Bildirilib ki, fasilələrin yaranması abonentlərin təbii qaza olan tələbatının təmin edilməsi və diametri 720 mm-lik orta təzyiqli qaz xətti üzərində qaz tənzimləyicinin quraşdırılması ilə əlaqədardır.

Aparılan işlərin Yasamal rayonu Nizami və Ə.Quliyev küçələri, həmçinin Nəsimi rayonu D.Əliyeva küçəsinin qaz təchizatına təsir göstərməsi mümkündür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi