Yuxarı
    Bağlamaq

    ​Qurban bayramında sərnişin qatarlarına əlavə vaqonlar qoşulacaq

    Azərbaycan Dəmir Yolları gücləndirilmiş iş rejmində çalışacaq

    Bakı. 22 sentyabr. REPORT.AZ/ Qurban bayramı günlərində (sentyabrın 24-27-də) "Azərbaycan Dəmir Yolları" QSC-nin müəssisə və stansiyalarında fasiləsiz iş rejimi tətbiq ediləcək. QSC-nin mətbuat xidmətinin rəhbəri Nadir Əzməmmədov "Report"a bildirib ki, Sərnişin daşımaları Departamenti bayram günlərində gücləndirilmiş iş rejimində işləyəcək.

    Onun sözlərinə görə, bayram günlərində sərnişin sıxlığının artması ilə əlaqədar ölkə daxilində hərəkət edən sərnişin qatarlarına hər gün 10-15, bəzən də 20 ədəd əlavə vaqonun qoşulması təmin ediləcək.

    Sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçiriləcək. Bilet satış kassaları saat 07:00-dan 23:00-a kimi işləyəcək.

    Bundan başqa, iş adamlarının nəzərinə çatdırılır ki, vaqonların yüklənməsi və boşaldılması prosesində fasilələr olmayacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi