Bakı. 17 mart. REPORT.AZ/ "Bu gün Zabrat qəsəbəsində mövcud kommunikasiya şəbəkələri infrastrukturun tələblərinə cavab vermir".
"Report"un xəbərinə görə, bunu jurnalistlərə açıqlama verən "Azərsu" ASC-nin sədri Qorxmaz Hüseynov bildirib.
Qəsəbə ərazisində bəzi sahələri su basması faktları ilə bağlı münasibət bildirən "Azərsu" sədri qeyd edib ki, hazırda sözügedən ərazidə mövcud olan problemi aradan qaldırmaq üçün yeni layihələr hazırlanır.
"Layihələrin hazırlanması prosesi başa çatdıqdan sonra maliyyələşməsi nəzərdə tutulur. Bu layihələr icra olunaraq sözügedən ərazidə mövcud olan problemlərin aradan qaldırılması planlaşdırılır", - deyə Q.Hüseynov əlavə edib.