Bakı. 18 avqust. REPORT.AZ/ “Qatar Airways” aviaşirkəti avqustun 21-dən etibarən oktyabrın 16-dək Bakıdan bir çox ölkələrə uçuşların qiymətində endirim edib.
“Qatar Airways”dən “Report”a verilən məlumata görə, qeyd olunan endirimlər üçün biletlərin satışı bu gündən başlayaraq avqustun 20-ə qədər davam edəcək.
Güzəştlər bütün "Qatar Airways" istiqamətlərinə tətbiq edilir və rezervasiya zamanı ödənilən biletlərə şamil olunur.
Budəfəki endirimlər yalnız "biznes sinif"ə aid gediş-dönuş biletlərinə şamil olunur. "Biznes klass"ın mövcud olmadığı uçuşlarda güzəşt “Birinci” sinif biletlərinə şamil edilir. Qiymətlərə bütün vergi, güzəşt və xərclər daxildir. Xidmət haqları "Qatar Airways"in satış ofisləri və səyahət agentlikləri vasitəsilə alınmış biletlər üçün şamil oluna bilər. Məntəqədə qalma müddəti ən azı 3 gün, ən çoxu isə 4 ay nəzərdə tutulub. "Biznes sinif" biletlər uçuş tarixinə ən geci 5 gün qalmış alınmalıdır.
Uçuşdan əvvəl və uçuşdan sonra biletlər ləğv oluna bilməz. Uşaq və körpələr üçün standart güzəştlər tətbiq olunur.
Çıxış məntəqəsi | İstiqamət | "Biznes sinif" |
Bakı | Barselona | 1 273 AZN |
Bakı | Cakarta | 2 362 AZN |
Bakı | Çonqinq | 1 715 AZN |
Bakı | Şri Lanka | 2 326 AZN |
Bakı | Seul | 2 285 AZN |
Bakı | Osaka | 2 556 AZN |
Bakı | Kuala Lumpur | 2 040 AZN |
Bakı | Maldiv | 2 453 AZN |
Bakı | Narita | 2 391 AZN |
Bakı | Filadelfiya | 1 915 AZN |