Yuxarı
    Bağlamaq

    Pirallahı körpüsünün yanaşma yollarının yenidən qurulması yekunlaşır - VİDEO

    Ümumilikdə, 19 min kv.metr ərziyə 12 sm qalınlığında asfalt-beton örtüyü salınacaq

    Bakı. 17 aprel. REPORT.AZ/ Bakıda Qala-Pirallahı avtomobil yolunun Pirallahı körpüsünün girişinə qədər 1 km uzunluğunda olan yanaşma yolunun yenidən qurulması işləri yekunlaşmaq üzrədir.

    "Azəravtoyol" ASC-dən "Report"a daxil olan məlumata görə, hazırda körpünün girişinə qədər olan yanaşma yolunda asfalt örtüyünün alt qatının salınması işləri aparılır. Yaxın günlərdə yol geyiminin sonuncu asfalt qatının döşənməsinə başlanılacaq. Ümumilikdə isə 19 min kv.metr ərziyə ikiqat olmaqla 12 sm qalınlığında asfalt-beton örtüyünün salınması nəzərdə tutulub.

    Asfalt-beton örtüyünün salınması işlərinə başlanmamışdan öncə aparılan yenidənqurma işləri çərçivəsində yolun mövcud eni 7 metrdən 21-22 metrə qədər və dənizə doğru genişləndirilib, 25 metr enində yeni yol yatağı inşa olunub. Layihəyə əsasən, sözügedən hissədə yol 2 gediş, 2 gəliş olmaqla 4 hərəkət zolağından ibarətdir. Yolun hərəkət hissəsinin eni 16 metr təşkil edir. Buna paralel olaraq yol boyu 1,5 metr enində piyada səkiləri, 2-3 metr enində ayrıcı zolaq inşa olunub. Ümumilikdə 3300 kv. m metr piyada səkisi tikilib, səkilərin və yol ayrıcının kənarlarına isə 6 350 poqon metr yeni səki daşı düzülüb. Daha sonra yol müasir işıqlandırma sistemi ilə təmin olunub, yol ayrıcına 20 ədəd işıq dirəkləri də quraşdırılıb.

    Layihəyə əsasən, kommunikasiya xətlərinin yolun altından keçirilməsi üçün 14 yerdə müxtəlif diametrli borular, 10 ədəd kommunikasiya lyukları, bundan başqa yağış sularının yoldan kənarlaşdırılmasını təmin etmək üçün isə 10 ədəd yağış barmaqlığı qoyulub. Həmçinin yol boyu 480 metr uzunluğunda yeni istinad divarı inşa edilib. Tikinti işlərinə uyğun olaraq ikinci qat asfalt örtüyü də salınandan sonra yolda zəruri olan yerlərdə yol nişanları və məlumatverici nişanlar quraşdırılacaq, xətlənmə işləri aparılacaq.

    Pirallahı körpüsünün digər hissəsinin yanaşma yolunda da işlər sürətlə aparılır. Hazırda burda torpaq işləri aparılır, yeni yol yatağı inşa olunur. Buna paralel olaraq dəmir-beton konsturksiyaların sahil boyunca bərkitmə işləri də aparılır. Yol yatağının və yol əsəsının tikintisi işləri bitdikdən sonra yola ikiqat olmaqla 12 sm qalınlığında asfalt-beton örtük döşənəcək. Ümumilikdə 5 min kv.m yolun asfatlanması nəzərdə tutulur.

    Qeyd edək ki, 850 metr uzunluğunda olan yanaşma yolu II texniki dərəcəyə uyğun olaraq yenidən qurulur. Layihə çərçivəsində yol yatağı 12 metrə qədər genişləndirilib. 2 hərəkət zolaqlı olan yolun hərəkət hissəsinin eni 6 metr, çiyinlərin eni isə 1,5 təşkil edir. Asfaltlanma işləri bitdikdən sonra layihəyə uyğun olaraq yola 20 ədəd yol nişanı quraşdırılacaq, üfiqi nişanlama xətləri çəkiləcək, 20 ədəd dəmir boru, həmçinin səth sularının kənarlaşdırılması üçün yağış barmaqlıqları yerləşdirirləcək.

    Qeyd edək ki, Qala-Pirallahı avtomobil yolunun 23-cü kilometrliyində yerləşən və uzunluğu 422 metr, eni 14 metr, hərəkət hissəsinin eni isə 12 metr olan, Pirallahı adasını sahillə birləşdirən körpü Bakı şəhəri və onun qəsəbələrinin sosial-iqtisadi inkişafına dair Dövlət Proqramına uyğun tikilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi