Yuxarı

Nəqliyyat naziri Qəbələdə vətəndaşları qəbul edib

Qəbulda Qəbələ, İsmayıllı və Ağsu rayonlarının sakinləri iştirak edib

Bakı. 28 avqust. REPORT.AZ/ Bu gün Qəbələ rayon Mədəniyyət Mərkəzində nəqliyyat naziri Ziya Məmmədov vətəndaşları qəbul edib. Nəqliyyat Nazirliyindən "Report"a verilən xəbərə görə, qəbulda Qəbələ, İsmayıllı və Ağsu rayonlarından olan vətəndaşlar iştirak ediblər.

Qeyd edək ki, vətəndaşların müraciətləri əsasən avtomobil yollarının təmiri və yenidən qurulması, yeni avtobus marşrutlarının açılması, dağ çayları üzərində körpülərin salınması, işə qəbul və digər məsələlərlə bağlı olub. 

Z.Məmmədov vətəndaşların səsləndirdikləri müraciət və şikayətlərlə Nazirliyin əlaqədar struktur rəhbərlərinə göstərişlər verib. 

Nazirliyin səlahiyyətlərinə aid olmayan məsələlər isə aidiyyəti qurumlara çatdırılmaq üçün qeydiyyata alınıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi