Bakı. 4 dekabr. REPORT.AZ/ Bakı Beynəlxalq Avtovağzal Kompleksi ətrafındakı ərazidə torpaq sürüşməsinin qarşısının alınması məqsədilə görülən işlər davam etdirilir. Bunu "Report"a açıqlamasında nəqliyyat nazirinin müavini Musa Pənahov deyib.
Nazir müavini Bakı Avtovağzalında işlərin qaydasında getdiyini və sürüşmə təhlükəsinin qarşısının artıq alındığını qeyd edib.
"Tezliklə bərkitmə işlərinin də tamamlanacağını deyə bilərəm", - M.Pənahov vurğulayıb.