Yuxarı

​"Malayziya Hava Yolları" işçilərin 25%-ni ixtisar edir

Şirkət bəzi aviareyslərini ləğv edəcək, bəzilərini isə təxirə salacaq

Bakı. 28 avqust. REPORT.AZ/ "Malayziya Hava Yolları" aviaşirkətində çalışan işçilərin təxminən 25%-i ixtisar olunacaq.

“Report”un xəbər verdiyi kimi, avqustun 28-də rəsmi açıqlama verən şirkət bəzi aviareyslərini ləğv edəcəyini, bəzilərini isə müəyyən müddətə təxirə salacağını bildirib.

"Malayziya Hava Yolları"nın açıqlamasında həmçinin işçilərin 25%-nin işdən azad ediləcəyi də qeyd olunub. Bu isə 5-6 min işçi deməkdir.

Xatırladaq ki, son 5 ay ərzində iki dəfə təyyarəsi qəzaya uğrayan "Malayziya Hava Yolları" böyük zərərlə üzləşib. Şirkət işçilərin işdən azad edilməsinin səbəblərini açıqladığı zaman 25% çalışanın işdən azad edilməsi ilə fəaliyyətin daha da yaxşılaşacağını bildirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi