Yuxarı

Lökbatan dairəsindən ​Bakıya giriş bağlanıb

Həmin yolda işarələnmə işləri aparılır

Bakı. 4 may. REPORT.AZ/ Bu gün Bakı Dairəvi Yolunun Lökbatan dairəsindən şəhər istiqamətində olan hissəsində “Oyunlar zolağı”nın işarələnməsi işləri aparılacaq. Nəqliyyat Nazirliyi “Azəryolservis” ASC-nin Mətbuat Katibliyindən "Report"a verilən məlumata görə, işarələnmə işləri saat 17:00-dək davam edəcək. Göstərilən müddət ərzində həmin istiqamətdə nəqliyyat vasitələrinin hərəkəti tam məhdudlaşdırılacaq.

“Azəryolservis” ASC I Avropa Oyunlarında müəyyən edilmiş marşrut üzrə əsas yol şəbəkəsində “Oyunlar zolağı”nın işarələnməsi işlərinə aprelin 27-dən start verib. İşlərin 20 gün müddətində davam etdirilməsi nəzərdə tutulur.

Qeyd edək ki, eni 3,75 metr olan “Oyunlar zolağı”nın kənarlarında 15 santimetr enində sarı xətt, asfalt üzərində isə təyin ediləcək yerlərdə Bakı Avropa Oyunlarının loqotipinin şəkli çəkilir. Baş Dövlət Yol Polisi İdarəsi tərəfindən “Oyunlar zolağı”na nəzarət ediləcək və kənar maşınların bu zolaqla hərəkəti tamamilə məhdudlaşdırılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi