Yuxarı
    Bağlamaq

    ​Litva "İpək Yolu"na qoşulub

    Vikinq layihəsi Litva, Belarus, Ukraynanın təşəbbüsü ilə 2003-cü ildən fəaliyyətə başlayıb

    Bakı. 2 fevral. REPORT.AZ/ Litva hökuməti "Vikinq" layihəsi ilə Ukraynadan keçərək, Çinədək gedən "İpək Yolu"na qoşulmaq haqda qərar qəbul edib.

    "Report" TASS-a istinadən xəbər verir ki, məlumatı Ukrayna hökumətinin mətbuat xidməti yayıb.

    Məlumata görə, məsələ ilə bağlı Ukrayna hökuməti ilə Litva arasında memorandum imzalanıb.

    "Bu o deməkdir ki, Avropa İttifaqı ilə əməkdaşlıq və razılaşmanın həyata keçməsi çərçivəsində "İpək Yolu" azad ticarət zonası layihəsinə Ukrayna, Gürcüstan, Azərbaycan, Qazaxıstanla yanaşı, İttifaqa üzv ölkələr də qoşulacaq", - deyə Ukraynanın baş naziri Arseni Yatsenyuk bildirib.

    "Vikinq" layihəsi Litva, Belarus, Ukraynanın təşəbbüsü ilə 2003-cü ildən fəaliyyətə başlayıb.

    Rusiyadankənar keçən "İpək Yolu" ilə ilk sınaq yükü 2016-cı il yanvarın 15-də Ukraynanın İliçevsk limanından yola salınıb. İlk konteynerlər Gürcüstan, Azərbaycan, Qazaxıstan ərazilərindən keçərək Çinə çatıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi