Yuxarı

Kiyevdə daha əvvəl Azərbaycanın sifariş etdiyi "An-178" təyyarəsi təqdim olunub

Yeni təyyarə əvvəlki nəsil hava gəmilərini əvəz etməlidir

Bakı. 17 sentyabr. REPORT.AZ/ Kiyev Aviasiya Muzeyində yeni "An-178" hərbi-nəqliyyat təyyarəsi təqdim edilib.

"Report" "Ekonomiçeskie izvestiya" qəzetinə istinadən xəbər verir ki, yeni təyyarə əvvəlki nəsil hava gəmilərini - "An-12", "An-26" və "An-32"ni əvəz etməlidir.

"Antonov" aviakonserinin proqram direktoru Viktor Kazurovun sözlərinə görə, "An-178" həm yük və hərbi texnikanın daşınması, həm hərbçilərin müəyyən edilmiş nöqtəyə çatdırılması, həm də uçuş zamanı təyyarələrə yanacaq doldurulması üçün istifadə edilə bilər.

"An-178" təyyarələrinə tələbat 10-12 il ərzində 800 ədədə çata bilər. Bir təyyarənin orta qiyməti 40 milyon dollardır.

Hazırda Azərbaycan artıq 10 təyyarə üçün ödəniş edib, daha 30 hava gəmisini isə Səudiyyə Ərəbistanı almağı planlaşdırır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi