Yuxarı
    Bağlamaq

    Honkonqun logistika nəhəngi Azərbaycana gəlir

    Kerry Logistics şirkəti 9 post-sovet ölkəsində fəaliyyət göstərəcək© kerrylogistics.com

    Bakı. 15 iyun. REPORT.AZ/ Honkonqun logistika operatoru olan "Kerry Logistics Network Ltd." şirkəti MDB ölkələri və Mərkəzi Asiyada fəaliyyətini genişləndirəcək. "Report"un "TASS" agentliyinə istinadən verdiyi məlumata görə, şirkət MDB ölkələrindən geniş şəbəkəyə malik olan Qazaxıstanın "Globallink" nəqliyyat-logistika şirkətində pay alacaq.

    "Kerry Logistics"in açıqlamasında bildirilib ki, anlaşma onun Mərkəzi Asiya və MDB ölkələrində əməliyyatlarının inkişafına kömək edəcək, habelə operatora böyük potensiala malik olan yeni bazarlara yol açacaq.

    Hesab olunur ki, investisiyaları "Kerry Logistics"ə fəaliyyətini Azərbaycan, Qazaxıstan, Özbəkistan, Qırğızıstan, Tacikistan, Türkmənistan, Gürcüstan, Ermənistan, Ukraynada genişləndirməyə şərait yaradacaq.

    "Kerry Logistics"in rəhbəri Uilyam Ma bildirib ki, şirkət bir tərəfdən Çindən Mərkəzi Asiya və Avropaya avtomobil, dəmir yolları və multimodal yük daşımaları xidmətini göstərən yerüstü şəbəkəsinin inkişafını davam etdirəcək, digər tərəfdən isə layihə logistikası sahəsində təcrübəsini artıracaq.

    Logistika şirkəti Çin və Avropanı birləşdirən yeni dəmir yolları xidmətlərini reallaşdırdıqdan sonra MDB məkanına sərmayə yatırmağa başlayıb. Ötən ilin avqust ayında şirkət Çinin şərqindək - İu şəhəri ilə İspaniyanın paytaxtı (Madrid) arasında konteyner qatarı buraxıb. 2017-ci ildə isə İunu Londonla birləşdirən marşrut işləməyə başlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi