Bakı. 25 avqust. REPORT.AZ/ Bakının
Qeyd edək ki, region ölkələrindən Türkiyə, İran və Gürcüstanda sürücü uzunmüddətli parkinq xidmətindən istifadə etmirsə, hava limanlarına giriş və çıxışı ödənişsiz qaydada həyata keçirir. Hazırda Heydər Əliyev Beynəlxalq Hava Limanında avtomobillərin 1 saatadək qalması 1 manat təşkil edir, 1 günlük parkinq isə 5 manata başa gəlir. Sərnişin qarşılayan və yola salan sürücülərlə yanaşı, taksi kimi fəaliyyət göstərən avtomobil sahibləri də eyni əsaslarla hava limanı ərazisinə daxil olurlar.
Bəs, hava limanında nəzarəti hansı qurum həyata keçirir və ödənişli əsaslarla girişi kim müəyyənləşdirir?
"
AZAL-dan xidmətin ödənişli əsaslarla olmasına cavab olaraq taksi və şəxsi nəqliyyat vasitələrinin ödənişli əsaslarla əraziyə daxil olmasını təsdiqləyiblər və bu halın qanunsuz olmamasını vurğulayıblar.
"Tariflər hava limanının abadlıq və saxlanma xərclərinin nəzərə alınması əsasında müəyyən edilir. Xidmətlərdən əldə edilən yığımlar yeni avadanlıq, onun proqram təminatı, texniki təhlükəsizlik, məxaric materiallarının alınması, kommunal xidmətlərin ödənilməsi, personalın saxlanılması, ərazinin abadlığı və saxlanılması, Azərbaycanın Əmlak Məsələləri Dövlət Komitəsi ilə imzalanan müqavilələr əsasında icarə haqqının və müvafiq vergilərin ödənilməsinə xərclənir", - AZAL-dan bildirilib.
Yalnız dövlət proqramları və tədbirləri çərçivəsində hava limanına gələn avtomobillər, eləcə də digər xüsusi nəqliyyat vasitələri (FHN, polis, təcili yardım və digərləri) əraziyə ödənişsiz əsasda maneəsiz giriş-çıxış hüququna malikdirlər.
Qeyd edək ki, bir müddət əvvəl Bakının mərkəzindən Heydər Əliyev Beynəlxalq Hava Limanına avtobuslar fəaliyyətə başlayıb. “BakuBus” MMC-yə məxsus olan bu avtobuslar hər 30 dəqiqədən bir Səməd Vurğun bağından Heydər Əliyev Beynəlxalq Hava Limanına doğru hərəkət edir və “Koroğlu” metro stansiyasının yanında dayanırlar. AZAL-dan verilən məlumata görə, hələlik 00:00-a kimi fəaliyyət göstərən avtobuslar planlara uyğun olaraq yaxın vaxtlarda 24 saatlıq iş rejiminə keçəcəklər. Bundan başqa, planlara əsasən, gələcəkdə Heydər Əliyev Beynəlxalq Hava Limanı və Bakı Dəmir Yolu Vağzalını dəmir yolu xətti birləşdirəcək. Bu dəmir yolu xəttinin tikintisi ilə "Azərbaycan Dəmir Yolları" QSC məşğul olacaq.
“Digesta” hüquq şirkətinin rəhbəri, hüquqşünas Ərşad Hüseynov bildirib ki, dövlət mülkiyyətində olan ərazilərə giriş-çıxış ödənişli ola bilər, AZAL da həmçinin dövlət mülkiyyətində olan qurumdur, lakin ödənişin məbləğini və qaydalarını dövlət, məsələn, Tarif Şurası müəyyənləşdirə bilər. Hüquqşünas deyib ki, belə olsa, daha dəqiq və doğru olar.
İqtisadiyyat və Sənaye Nazirliyinin mətbuat xidmətindən “Report”a verilən məlumata görə, Tarif Şurasının sözügedən xidmətlə bağlı heç bir qərarı mövcud deyil. Onun sözlərinə görə, Dövlət tərəfindən tənzimlənən işlər və xidmətlərin siyahısına aid olmadığı üçün Tarif Şurasının bu xidmətlə bağlı əlaqəsi yoxdur.