Hazırda avtomobillərin parklanması sisteminin təhvil-təslim prosesi aparılır

Bakı. 6 iyun. REPORT.AZ/ Azərbaycanda avtomobillərin parklanması sisteminin (parkomat) Bakı Nəqliyyat Agentliyinə verilməsi ilə bağlı hazırda təhvil-təslim prosesi aparılır.

Bunu "Report"a Bakı Nəqliyyat Agentliyinin Mətbuat xidmətinin rəhbəri Mayis Ağayev deyib.

O, hazırda bununla bağlı müzakirələrin aparıldığını bildirib.

Qeyd edək ki, hazırda avtomobillərin parklanması sistemi Bakı Şəhər İcra Hakimiyyətinin tabeliyindədir. Azərbaycan Prezidentinin 2 aprel tarixli fərmanı ilə parklanma yerlərinin təşkili və idarə edilməsi Bakı Nəqliyyat Agentliyinə tapşırılıb.