Yuxarı
    Bağlamaq

    Estoniya Şimal-Cənub nəqliyyat dəhlizinə qoşulacaq

    Dekabrın ilk ongünlüyündə Azərbaycan, Estoniya, İran və Rusiya dəmir yolları rəhbərlərinin görüşü keçiriləcək

    Bakı. 25 noyabr. REPORT.AZ/ Şimal-Cənub beynəlxalq nəqliyyat dəhlizinə daha bir ölkə qoşulur. Artıq "Azərbaycan Dəmir Yolları" QSC bu layihəyə maraq göstərən Estoniyanın dəmir yolları şirkəti ilə görüş keçirib. "Report" xəbər verir ki, bunu "Azərbaycan Dəmir Yolları" QSC-nin sədr müavini İqbal Hüseynov deyib. 

    "Estoniya da Şimal-Cənub marşrutuna maraq göstərir. Estoniyanın Paldiski limanı bu marşruta qoşulur. Belə ki, Estoniyanın Skandinaviya və Şimali Avropa ölkələrindən olan yükləri öz limanında cəmləşdirərək onları daha sonra Rusiya və Azərbaycan üzərindən İrana və Fars körfəzinə daşıması nəzərdə tutulur", - deyə İ.Hüseynov qeyd edib. 

    Dekabrın ilk dekadasında Azərbaycan, Estoniya, İran və Rusiya dəmir yolları rəhbərlərinin görüşünün keçiriləcəyi barədə məlumat verən İ.Hüseynov əlavə edib ki, aparılan danışıqlar çərçivəsində tərəflərin birgə əməkdaşlığına dair sənəd imzalanması nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi