​Əmlak Məsələləri Dövlət Komitəsinin sədri Masallıda vətəndaş qəbulu keçirəcək

Bakı. 7 iyul. REPORT.AZ/ Əmlak Məsələləri Dövlət Komitəsinin sədri Kərəm Həsənov iyulun 16-da Masallı rayonunda növbəti vətəndaş qəbulu keçirəcək.

“Report” Komitəyə istinadən məlumat verir ki, qəbulda Masallı, Yardımlı və Cəlilabad rayonlarından olan vətəndaşların müraciətlərinə baxılacaq. Vətəndaş qəbulu saat 11:00-da şəhərdəki Heydər Əliyev Mərkəzində keçiriləcək.

Qəbula yazılmaq istəyən vətəndaşlar Komitə ilə əlaqə saxlaya bilərlər.