​Əmlak Məsələləri Dövlət Komitəsində Apellyasiya Şurası yaradılıb

Bakı. 8 fevral. REPORT.AZ/ Əmlak Məsələləri Dövlət Komitəsində (ƏMDK) Apellyasiya Şurası yaradılıb. “Report” Komitəyə istinadən xəbər verir ki, ƏMDK sədrinin müavini Rüstəm Şahbazovun rəhbərlik etdiyi, 6 nəfərdən ibarət Şuraya Komitənin strukturuna aid və tabeliyində olan qurumların məsul əməkdaşları daxildir.

İctimai əsaslarla fəaliyyət göstərəcək Apellyasiya Şurası müvafiq fərmana uyğun olaraq sahibkarlıq fəaliyyəti ilə məşğul olan fiziki və hüquqi şəxslərin şikayətlərinə baxılması sahəsində şəffaflığın və obyektivliyin təmin edilməsi, bu sahədə şəxslərin hüquqlarının və qanunla qorunan maraqlarının müdafiəsi məsələlərinə baxılacaq.