Yuxarı
    Bağlamaq

    "Elmlər Akademiyası" metro stansiyasının vestibülü bağlanır

    Stansiyanın eskalatorları istismar müddətini başa vurub

    Bakı. 6 aprel. REPORT.AZ/ "Bakı metrosunun “Elmlər Akademiyası” stansiyasının I vestibülündə quraşdırılmış 3 ədəd ET-3 tipli eskalator istismar müddətini başa vurub və artıq dəyişdirilməlidir. Bunun üçün stansiyanın I vestibülü sərnişinlərin giriş-çıxışı üçün bağlanmalıdır".

    "Bakı Metropoliteni" QSC-nin mətbuat xidmətinin rəhbəri Nəsimi Paşayev "Report"a bildirib ki, bütün bunları nəzərə alaraq “Bakı Metropoliteni” QSC sərnişinlərə xəbərdarlıq edir. 

    "Elmlər Akademiyası" stansiyasının I vestibülü aprelin 15-dən etibarən sərnişinlərin giriş-çıxışı üçün müvəqqəti bağlanacaq. II vestibül - BDU tərəf isə əvvəlki qaydada sərnişinlərin giriş-çıxışı üçün açıq olacaq", - deyə N.Paşayev bildirib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi