Dumanlı hava şəraiti Bakı aeroportunun işinə təsir etməyib

Bakı. 2 dekabr. REPORT.AZ/ Hazırda Bakı şəhəri və Abşeron yarımadasında müşahidə olunan dumanlı hava şəraiti Heydər Əliyev Beynəlxalq Hava Limanının işinə maneçilik yaratmayıb.

Bakı aeroportundan “Report”a bildirilib ki, hazırda təyyarələrin yola salınması və qəbulu normal rejimdə həyata keçirilir: “Bu gün aviauçuşlar tərtib olunan qrafikə uyğun davam etdirilir. Hələ ki, bu gün, indiyə qədər nəzərdə tutulan reyslərin heç biri təxirə salınmayıb və uçuşların həyata keçirilməsində heç bir problem yaranmayıb”.